كيفية استخراج وتفعيل فيزا ايزي باي البريد المصرى ومعرفة استخدامتها

فيزا ايزي باي البريد المصرى.

السلام عليكم ورحمة الله وبركاتة سنتعرف على فيزا ايزى باى البريد المصرى التى تعتبر اسهل وارخص وافضل فيزا فى مصروسنتعرف على الحد الاقصى للايداع والحد الاقصى للشراء من داخل مصرومن خارج مصر وهنتكلم عن امكانيه ربطها بموقع باي بال وخطوات استخراجها من مكتب البريد .

خطوات استخراج فيزا ايزى باى البريد المصرى؟

لازم يكون عندك 16 سنه فيما فوق يعنى ما ينفع لو انت اقل من 16 سنه بمجرد ما بيكون معك بطاقه رقم قومي ، تقدر تروح تطلع الفيزا فى اقرب مكتب بريد ويكون معك صورتين بطاقه شخصيه، وتقوم بدفع رسوم الاستخراج 15 جنية وهتاخد منه ايصال بالمبلغ اللي انت دفعت،تقوم بملء النموذج المخصص للفيزا وتوقع عليه، وتقوم باستلام الفيزا وانت واقف، وبكده يكون استخرجت فيزا ايزى بى اللي تعتبر ارخص فيزا موجوده في مصر ،وهتستلم ظرفين الظرف الاول يحتوى على الفيزا والظرف الثانى يحتوى على الرقم السرى الذى يجب المحافظة علية ويكون عبارة عن 4 ارقام ويمكنك تغيرة بعد ذلك والرقم الى مكون من 3 ارقام الى بيكون على ظهر الفيزا.

كيفية تفعيل فيزا البريد المصرى؟

تقوم بالاتصال على رقم خدمة عملاء البريد المصرى لتفعيل الفيزا على رقم 16789 ويقوم موظف خدمة العملاء بتاكيد بعض البيانات والمعلومات اللي انت اللي بتكون مسجلها في مكتب البريد، كتاريخ ميلادك والرقم القومى والرقم الموجود على الفيزا وتقوم يتمشيط الفيزا من داخل مكتب البريد ، وبكده تقدر تستخدم الفيزا بعد مرور 24 ساعة من تمشيطها.

ماذا تفعل فى حالة ضياع الفيزا ؟

اذا ضاعت منك الفيزا لاقدر الله مش هتقدر تعمل ليها بدل تالف اوفاقد ، تقوم بمكالمة خدمة العملاء على رقم 16789 وتطلب منهم انهم يقومو بوقف الفيزا ،وهتروح مكتب البريد و تسحب الفلوس اللي موجوده على الفيزا من على الشباك من داخل مكتب البريد ببطاقة الرقم القومى وتستخرج فيزا ثانيه بنفس الاجراءات السابقة ونفس الرسوم.

تغير الرقم السرى للبطاقة .

اذا ارادت ان تقوم بتغير الرقم السرى للبطاقة ستذهب لاي ماكينه atm تابعه لاي مكتب بريد وتدخل البطاقة وتطلب تغيير الرقم السري ويتم تغيير الرقم السري بالرقم الذى تختارة.

هل ينفع يكون معي اكثر من فيزا ايزي باي؟

لا يسمح البريد المصرى لك الا بالحصول على فيزا ايزي باي واحده حيث يقوم موظف البريد بادخل رقمك القومي وهيستعلم على السيستم بتاع البريد وهيعرف اذا كان معاك فيزا ايزى باى قبل كده ولا دي اول فيزا تستخرجها.

الحد الادنى لايداع والسحب .

الحد الادني للايداع للمره الواحدة هو 100 جنيه وما فى حد ادني للرصيد يعني انت لو رحت تودع 50 جنيه لاتقبل ،لانه لايسمح باقل من 100 جنيه،ولكن الرصيد ممكن يقل عن مائة جنيه وومكن يوصل الى صفر ، مثلاانت قمت بالشراء ب 50 جنيه وكان رصيدك 100 جنيه في الفيزا سيكون معك رصيد 50 جنيه .
الحد الادنى لعمليه الايداع هي 100 جنيه مصري ولا يوجد حد اقصى للايداع وبدون اي رسوم في الايداع.
الحد الاقصى للسحب النقدي اليومي من مكاتب البريد هو 35 الف جنيه.
الحد الاقصى للسحب النقدي اليومي من ماكينات ال atm الموجوده في الشارع سواء من ماكينات البريد او ماكينات البنوك الاخرى 10000 جنيه وبدون عموله على ماكينات مكاتب البريد ،وعمولة من 5 الى 7 جنية كل عمليه سحب من ماكينات atm الخاصه بالبنوك الاخرى.
لا يوجد حد اقصى للسحب النقدى الشهرى بداخل مصر.
الاستعلام عن الرصيد من ماكينات ال atm المملوكه للبريد مجانا والاستعلام للبنوك الاخرى حسب الرسوم المقررة لكل بنك.
الحد الاقصى للشراء بالجنيه المصري محليا يوميا 35 الف جنيه مصري وبدون حد اقصى شهريا بدون اي عمولات يعني انت بتشتري جوه مصر باي مبلغ بدون اي عمولات تتخصم من رصيدك .
الحد الاقصى لعمليات الشراء الدوليه بالدولار 200 دولار فى اليوم و 1000 دولار فى الشهر.
الحد الاقصى للسحب بالدولار فى اليوم من خلال ماكينات atm الى عليها شعار فيزا هو 100 دولار في اليوم وحد اقصى 500 دولار فى الشهر برسوم خمسه في المئه من عمليه السحب بالاضافة الى 30 جنيه مصري عن كل عمليه سحب وطبعا لايوجد الى الان ماكينة atm تغذى بالدولار.

استخدامات فيزا ايزى باى البريد المصرى.

يمكنك ان تتعامل بها في جميع المدفوعات الحكوميه داخل مصر، يعنى لو لك اي مستحقات ماليه عند الحكومه ما بتاخذها فلوس في ايدك ولكن بتاخدها عن طريق الدفع الالكتروني ، بامكانك ان تقوم بتحويل اى مدفوعات او اى مستحقات لك عند الحكومه على الفيزا وبتقبض فلوسك من اي مكتب بريد او من خلال ماكينات ال atm .
يمكنك عن طريق الفيزا ان تقوم بالشراء على الانترنت اون لاين او من المحلات التجاريه.
من خلال تطبيق ايزى بى تقدر تحول وتستقبل حولات فورية اللى ممكن تنزله من على جوجل بلاي ،و تدفع فواتير المياه والغاز والتليفون والكهرباء وحاجات ثانيه كثير من خلال تطبيق ايزي باي.
من اهم المميزات الموجودة فى فيزا ايزي باي البريد المصري انك تقدر تربطها بموقع باى بال الذى لايقبل الا القليل من الفيز فى مصر ويمكنك ان تستقبل وتسحب فلوس من من اى مكان فى العالم .

مصاريف تجديد الفيزا السنويه 15 جنيه في السنه وبتخصم تلقائيا من الفيزا.
مده صلاحيه الكارت خمس سنوات غير قابله للتجديد، يعني بعد انتهاء الخمس سنين لو لسه موجوده معك وحابب تجددها تصفيها من خلال الاتصال بخدمه العملاء وتدخل مكتب البريد تسحب الفلوس اللي فيها ،وتستخرج فيزا جديده برقم جديد ورقم سري جديد وبنفس الرسوم.
احذر فى حالة فقدان الفيزا فاذا وجدها شخص اخر يمكنة ان يقوم بالشراء من اى متجر او محل بالفيزا من غير الحاجة للرقم السرى،
يمكنك معرفة الرصيد وكشف الحساب عن طريق خدمة العملاء والاتصال برقم 16789 ،ومن خلال مكتب البريد عن طريق رقم حسابك ، ومن خلال تطبيق ايزي باي

عالم المعرفة